🎥კინემატოგრაფი, ისევე როგორც ხელოვნების სხვა, ნებისმიერი დარგი, იქმნება კონკრეტული, ტექნიკური და შემოქმედებითი ინსტრუმენტების გამოყენებით. კინოში პარადიგმის ცვლილებასთან ერთად, იცვლება ამ ინსტრუმენტების კრებულიც. შედეგად კინო, როგორც ენა, მუდმივ ევოლუციას განიცდის.

🎥21-ე საუკუნის აზროვნებამ მსოფლიო საავტორო კინემატოგრაფში ბიძგი მისცა ერთ-ერთი ყველაზე მისტიური და შთამბეჭდავი მიმართულების განვითარებას, რომელსაც კინოკრიტიკოსები „ნელ კინოს“ უწოდებენ.

🎥„ნელი კინოს“ არსი, კინო დროის ახალი, ჰიპნოზური და მედიტაციური კონსისტენციის საშუალებით მაყურებელზე ფსიქოემოციური ზემოქმედების, კერძოდ კი, ფილმის ყურებისას ეკრანული საზღვრების მოშლის, მასში თანაარსებობისა და ყოფიერებასთან პირდაპირი გზით შეხების განცდის შექმნის ილუზიას ეფუძნება.

🎬„კინო დრო, როგორც ონლაინ რეჟიმი“, „პერფორმანსი კინოში“, „ფსიქიკური სხეული“, „პლასტიკური სხეული“, „მხატვრული პირობითობისა და დოკუმენტური სტილისტიკის სინთეზი“ - იმ ესთეტიკური მახასიათებლების მცირედი ჩამონათვალია, რომელთაც „ნელი კინოს“ თვალსაჩინო წარმომადგენლების - ბელა ტარის, კარლოს რეიგადასის, ალბერტ სერას, აპიჩატპონგ ვერისეტაკულის, ლუკრეცია მარტელის, შარუნას ბარტასის, ბრუნო დიუმონის, ლისანდრო ალონსოს, ცაი მინ ლაინის და ფილიპ გრანრიეს შემოქმედების ანალიზის საფუძველზე ღია ლექციის ფარგლებში მიმოვიხილავთ და შევიმეცნებთ.

◾შეხვედრის თარიღი: 27 თებერვალი, 17:30 სთ
◾შეხვედრის ხანგრძლივობა – 2 საათი
◾დასწრება თავისუფალია
◾ლექციაზე დასწრება შესაძლებელი იქნება მხოლოდ ფიზიკურად

◾ მისამართი: თინა იოსებიძის #57

◾დამატებითი ინფორმაციისთვის დაგვიკავშირდით: 0322 15 15 40