◼️ აზროვნების აკადემიაში ლექციათა ციკლის, "ემოციები"-ის ფარგლებში გაიმართება სალონური საუბრები ქეთი სილაგაძესთან თემაზე: ემოციები, სტრესი და სოციალური მედიის გავლენა.

სოციალური მედია ჩვენი ყოველდღიური ცხოვრების განუყოფელი ნაწილი გახდა, რაც ცვლის ჩვენს კომუნიკაციის სტილს, თვითშეფასებას და ემოციურ მდგომარეობას. ტექნოლოგიური განვითარების პარალელურად, გაიზარდა ინტერესი იმაზე, თუ როგორ აისახება სოციალური მედიის გავლენა ადამიანის ფსიქიკაზე.

ლექციის მიზანია, ფსიქოგანათლების ფორმატში განვიხილოთ სოციალური მედიის დადებითი და უარყოფითი მხარეები და მათი გავლენა ემოციურ კეთილდღეობაზე. ყურადღება გამახვილდება ისეთ საკითხებზე, როგორიცაა:

• სოციალური მედიის გავლენა თვითშეფასებაზე და ემოციურ რეგულაციაზე;

• ინფორმაციული გადატვირთვა და მისი ფსიქოლოგიური შედეგები;

• ონლაინ გარემოს ზეგავლენა შფოთვასა და დეპრესიაზე;

• დამოკიდებულების ფორმირება და მისი შესაძლო რისკები.

ფსიქიატრის პერსპექტივიდან, განხილული იქნება ის აშლილობები, რომლებიც შეიძლება განვითარდეს სოციალური მედიის არასრულფასოვანი ან გადაჭარბებული მოხმარების შედეგად. ასევე, განისაზღვრება, რა ნიშნების არსებობის შემთხვევაში არის საჭირო სპეციალისტთან კონსულტაცია და როგორ შეიძლება დახმარების გზების მოძიება.

ლექცია განკუთვნილია ყველასთვის, ვისაც სურს უკეთესად გაიგოს, როგორ ზემოქმედებს სოციალური მედია ჩვენს ემოციურ მდგომარეობაზე და როგორ შევინარჩუნოთ ბალანსი ტექნოლოგიების ეპოქაში.

📅 შეხვედრის თარიღი: 18 მარტი, 20:00 სთ

⌛ შეხვედრის ხანგრძლივობა – 2-3 საათი

💻 დასწრება შესაძლებელი იქნება როგორც ადგილზე, ასევე ონლაინ ფორმატშიც Google Meet-ის მეშვეობით

🔖დასწრების საფასური - 50₾

🔖 სკოლის მოსწავლეებისა და სტუდენტებისთვის (22 წლის ჩათვლით) მოქმედებს 25%-იანი ფასდაკლება. იმისთვის, რომ ისარგებლოთ ფასდაკლებით, გთხოვთ, გადახდის ველში მონიშნოთ "საბანკო გადარიცხვა"

🔖 მოქმედებს კორპორატიული შეთავაზება.

🍰 შეხვედრაზე დაგხვდებათ ფურშეტი და სასიამოვნო გარემო

📍 მისამართი: იოსებიძის 57

☎ დამატებითი ინფორმაციისთვის დაგვიკავშირდით: 0322 15 15 40