პერფექციონიზმი, ერთი შეხედვით, წარმატებისა და მაღალი სტანდარტებისკენ სწრაფვასთან ასოცირდება, თუმცა ხშირად  ის შეცდომის დაშვების შიშს, თვითკრიტიკასა და მუდმივ უკმაყოფილებას იწვევს. პროკრასტინაცია კი მხოლოდ საქმის გადადება არ არის, ის ხშირად რთულ ემოციებთან გამკლავების მცდელობას წარმოადგენს, როდესაც მოქმედებას შფოთვა, გაურკვევლობა ან წარუმატებლობის შიში აფერხებს. ამ ორივე პროცესის უკან კი ხშირად შფოთვა დგას, რომელიც გავლენას ახდენს ჩვენს გადაწყვეტილებებზე, პროდუქტიულობასა და ყოველდღიურ ფუნქციონირებაზე.

ლექციის ფარგლებში განვიხილავთ პერფექციონიზმის, პროკრასტინაციისა და შფოთვის ფსიქოლოგიურ მექანიზმებს, მათ ურთიერთკავშირს და იმ გზებს, რომლებიც გვეხმარება ამ წრიდან გამოსვლასა და უფრო მოქნილი, ჯანსაღი დამოკიდებულებების ჩამოყალიბებაში.