ახალი ლექციათა ციკლი აზროვნების აკადემიაში – „განსხვავებული საზრისები“
ლექციათა ციკლს გაუძღვებიან ლევან გიგინეიშვილი და ანდრო დგებუაძე. 9 ლექციის განმავლობაში განხილული იქნება თემები:
სინამდვილე – რამდენად დაკავშირებულია ჩვენი ფიქრის პროცესი და სამყარო? როგორ ვიმეცნებთ სამყაროს?
ერთობა და ურთიერთობა – რა ქმნის ადამიანს ინდივიდად? რა განასხვავებს სხვა ადამიანებისგან? ერთობა უფრო მნიშვნელოვანია თუ განსხვავებულობა?
კულტურა და ადამიანი – რამდენად არის ადამიანი კულტურის პროდუქტი? საიდან იბადება კულტურით უკმაყოფილება?
თითოეულ თემას ლექტორები ცალ-ცალკე განიხილავენ, ყოველ მესამე შეხვედრაზე კი თემის შესახებ მსჯელობას ერთად გაუძღვებიან. ისინი მსმენელს განსხვავებულ საზრისებს შესთავაზებენ და თემებს სხვადასხვა პერსპექტივიდან დაანახვებენ.
კურსი იწყება 10 მაისს და გაგრძელდება 4 ივნისამდე, შეხვედრები გაიმართება ორშაბათს და ხუთშაბათს 18:00 სთ-ზე, შეხვედრის ხანგრძლივობა – 2 სთ
კურსის საფასური – 360 ლ.
მოქმედებს საქართველოს ბანკის ერთწლიანი 0%-იანი განვადება
კურსზე დასწრება შესაძლებელი იქნება როგორც ადგილზე, ასევე ონლაინ ფორმატშიც ZOOM-ის მეშვეობით
მისამართი: თინა იოსებიძის ქუჩა 57
დამატებითი ინფორმაციისთვის დაგვიკავშირდით: 557 123 696
რეგისტრაციისთვის ეწვიეთ ბმულს: https://cutt.ly/ybif6x3